Bang

"Bang" é unha canción da banda inglesa de rock alternativo Blur, editada como sinxelo do seu álbum ''Leisure'' o 29 de xullo de 1991. Foi case repudiada pola banda, que afirma que a compuxo en 15 minutos debido ás demandas da discográfica para lanzar un sinxelo, e case nunca a tocaron ao vivo.

A súa decepcionante resposta en comparación coa do anterior sinxelo "There's No Other Way" marcou o final da primeira etapa de popularidade de Blur, que non sería igualada ata a edición de "Girls & Boys" tres anos despois. O sinxelo só acadaría o posto 24 na lista británica de sinxelos. Provided by Wikipedia