Michael Foot

Newyddiadurwr, awdur a gwleidydd o Loegr oedd Michael Mackintosh Foot (23 Gorffennaf 1913 – 3 Mawrth 2010), neu Michael Foot. Bu'n arweinydd y Blaid Lafur rhwng 1980 a 1983.

Cafodd ei eni ym Mhlymouth, Lloegr. Mab y cyfreithiwr Isaac Foot a brawd Syr Dingle Foot, John Foot, Arglwydd Foot, a Hugh Foot, Arglwydd Caradon, oedd ef. Priododd Jill Craigie yn 1949). Bu'n Aelod Seneddol Plymouth Devonport rhwng 1945 a 1955 a Glyn Ebwy rhwng 1960 a 1992. Bu farw yn ei gartref yn Hampstead, Llundain ar ôl bod yn wael ei iechyd am beth amser. Darparwyd gan Wikipedia