Rap

miniatura|250x250px|O rapeiro 50 Cent en concerto. O rap é unha forma musical vocal que incorpora "rima, ritmo e uso da fala vernácula". É interpretado ou cantado, xeralmente sobre un ritmo base ou acompañamento musical. Os compoñentes do rap inclúen ''content'' (contido, o que se está a dicir, as letras), ''flow'' (ritmo, rima) e ''delivery'' (cadencia, ton). O rap é un dos ingredientes principais da música hip hop normalmente asociado a ese xénero; con todo, as orixes do rap son anteriores á cultura hip hop por moitos anos.

Os precursores do rap moderno inclúen a tradición griot de África Occidental, certos estilos vocais de blues, o jazz, un xogo de insultos afroamericano chamado ''The Dozens'' e a poesía afroamericana da década de 1960. O uso do rap na música popular orixinouse no Bronx, Nova York, na década de 1970, xunto co xénero hip hop e o movemento cultural. O rap desenvolveuse a partir do papel do MC nas festas dentro do movemento cultural, que animaba e entretería aos invitados entre os sets do DJ, que cada vez se converteron en actuacións máis longas, nas que o DJ acabaría por desaparecer.

O rap adoita ofrecerse nun ritmo, normalmente proporcionado por un DJ ou un ''beatboxer'' cando actúa en directo. O rapeiro pode decidir interpretar a capela, é dicir, sen acompañamento de ningún tipo, aínda que isto é pocuo común. Cando un artista de rap ou hip hop está a crear unha canción nun estudo de produción, a maioría das veces o produtor proporciona os ritmos para que o MC rapee sobre eles. Estilisticamente, o rap ocupa unha zona gris entre a fala, a prosa, a poesía e o canto.

A palabra, que é anterior á forma musical, orixinalmente significaba "golpear lixeiramente", e agora úsase para describir un discurso rápido ou a contestación ou resposta. A palabra usábase en inglés británico desde o século XVI. Formaba parte do dialecto afroamericano do inglés na década de 1960 que significa "conversar", e pouco despois pasou a denotar o estilo musical. A palabra "rap" está tan estreitamente asociada á música e a cultura hip hop que moitos escritores usan os termos indistintamente. Provided by Wikipedia