Chaim Weizmann

Chaim Azriel Weizmann ( '''', ''Khaim Veytsman''), nado o 27 de novembro de 1874 e finado o 9 de novembro de 1952, foi un líder sionista e home de estado de Israel que exerceu como presidente da Organización Sionista e máis adiante como primeiro presidente de Israel.

Comezou o seu mandato o 16 de febreiro de 1949 e permaneceu no cargo ata a súa morte en 1952. Foi Weizmann quen convenceu ao goberno dos Estados Unidos de América para que recoñeceran o novo Estado de Israel.

Weizmann tamén desenvolveu no campo da bioquímica o proceso da fermentación acetona-butanol-etanol, que produce a acetona a través da fermentación bacteriolóxica. O seu método de produción da acetona foi de grande importancia na produción de propelente do explosivo de cordita para a industria de guerra británica durante a primeira guerra mundial. Fundou o Instituto Weizmann de Ciencias en Rehovot e foi unha das figuras clave na creación da Universidade Hebrea de Xerusalén. Provided by Wikipedia